【Chiikawa動畫新系列7月15日起正式回歸】小八聲音轉變引起粉絲熱議？變聲期過後的溫暖陪伴！

動畫《ちいかわ》歷經約三個月休止期後，第258集終於在 7 月 15 日回歸！隨著新系列開播，片尾曲《ひとりごつ》(Hitorigotsu) 亦進行了重新錄製，由飾演 Hachiware（小八）角色的田中誠人再度獻聲。不過，全新版本的歌聲卻引來不少網友熱議：「Hachiware（小八）變聲了！？」「聲優換人了嗎？」到底發生咗咩事？

小八唱新的片面曲，聲音變低惹網民關注？

今次的新片面曲除咗畫面角色更豐富、氣氛更熱鬧外，最令人注目的，反而是 Hachiware（小八）的歌聲。相較過去版本，現時的聲音明顯較低沉，令不少粉絲第一時間懷疑：「係咪換咗聲優？」

事實上，小八的聲音仍由同一位聲優田中誠人擔任——今年（2025 年）14 歲、正值中三的他，在《ちいかわ》初播時其實只有 11 歲。經歷幾年歲月成長，聲音進入變聲期，由兒童聲逐漸變成少年聲，係自然不過的過程。

ナガノ(Nagano) 老師早前已透過插畫回應粉絲

原來早喺動畫休止前，ちいかわ原作者ナガノ(Nagano) 老師就已經透過插畫回應粉絲擔憂，溫柔地送出一句：

「特に何も変わんないよォ（其實冇乜改變呀）」

而最新系列的確如其所言——角色不變，心意不變，反而多咗一份隨成長而來的真實情感。

聲音變化，引起粉絲溫暖回響

雖然聲線有別於過往，但仍保留住 Hachiware（小八）一貫真摯可愛的性格。網民之間出現咗唔少溫暖留言，包括：

「雖然未習慣新聲音，但係聽到佢成長的過程，反而更感動。」

「聲優無換人，好安心！」

Hachiware（小八）的成長＝我們的成長

聲音的改變或許令一部分觀眾一時未能適應，但正如ちいかわ整個作品帶出嘅訊息：每個角色都有屬於自己努力和成長的過程，Hachiware（小八）亦唔例外。今次的變聲，正正象徵住一種青春與蛻變，令我們不禁期待——未來的小八，會以點樣的樣貌、聲音與我們同行？

📣 想第一時間知道更多 Chiikawa 商品與限定服務更新？

✅ WhatsApp 群組搶先通知：👉 立即加入

✅ Zakka-store.com Chiikawa 專頁：👉 www.zakka-store.com/chiikawa

✅ Instagram & Facebook 最新動態更新@zakkastore.hongkong ｜ @zakka.concept